17 رد (ردود) على هذا الموضوع

[MeMo]

السلام عليكم ورحمة الله وبركاته

هذا الموضوع خاص بالطلاب الجدد وان شاء الله الفائدة تكون للجميع

والموضوع هذا من تجربتي الي خضتها في السنة التحضيرية اضعها لكم للفائدة

في بداية موضوعي حابب اتكلم عن موضوع ما بعد التخرج:
الطالب بيكون فيها مشتت وشايل هم ومو عارف ايش هيصير في مستقبلو وفين هيروح وفين هيجي وفين هينقبل وفين ماهينقبل لكن كونوا مع الله ولاتشيلو هم وان شاء الله هي فترة وتعدي وبعدين ترتاحوا

نرجع ثاني لكليتنا وطريقة الدراسة فيها ونظامها وكل شي :
بداية كلامي على نظام الكلية
نظامها :
سنة تحضيرية وبعدين سنتين تخصص وتاخذ شهادة جامعية متوسطة هذا لو مشيتو على خطة الكلية وبعدين تطبق 14 اسبوع ولو خلصت وكان معدلك حلو تقدر تكمل في الكلية
ملاحظة:
الكتب طبعا على الكلية كل الكتب هما يعطوكم هي

السنة التحضيرية:
هذه واجبة عليك ومايمديك تسوي فيها ولا شي تاخذوها زي ما الكلية منزلتها لكم لا يمديكم تحذفوا فيها ولا يمديكم تضيفوا ولا يمديكم تسوي فيها أي شي سنة واجبة عليكم تخلصها عشان تتخصص

بعد ماتنقبلو ان شاء الله في الكلية وتمشي اموركم تمام وتستلمو البطايق تخشو على ملف الطالب من موقع الكلية وتشوفوا جداولكم

وطبعا طريقة الدراسة هيقسموكم على سكاشن الي هي الفصول تشوف فصلك فين وتعرف جدولك من ملفك وموقع الدراسة
وغير كدا بعدين يمديك تعرف الغياب وكل شي من ملفك

نجي للمواد وعدد الساعات وطرق الدراسة في الترم الأول :

قبل لا ابدأ في الجدول بقول ملاحظة انو المحاضرة تكون 50 دقيقة وربع ساعة بريك هذه كل المحاضرات كدا
والشيء الثاني انو من الساعة 12 لين 1 بريك الغذاء للكلية كلها طلاب وادارة ومدرسين

الانجليزي 001 :
عدد الساعات المعتمدة في الترم 7 وعدد الساعات الدراسية في الاسبوع 20 ويوميا 4 ساعات
وطريقة الدوام غالبا بتكون اذا كان السكشن حقك فردي تكون الدراسة من 7 وربع لين 11 وربع ولو سكشنك زوجي تكون من 11 وربع لين 4 وربع العصر
مواد الانجليزي :
تكنكل انجلش : هذه مادة تجمع الانجليزي كامل من كتابين فيها قرمر وكلمات ولسنق وكل شي يوميا ساعتين
ريدنق : هذه مادة القراءة يوميا ساعة
رايتنق : الكتابة وهذه ساعة يوميا
طريقة الدراسة : حصة تكون في المعمل والباقي في الكلاس

الماث 001: (( الرياضيات ))
عدد الساعات المعتمدة 4 وعدد الساعات الدراسية في الاسبوع 5 ساعتين ساعتين ساعة

لو كان الانجليزي عندك في الصبح تكون هي في العصر ولو كان الانجليزي عندك في العصر تكون هي في الصبح
طريقة الدراسة :
في الكلاس مع المدرس

EGT001:
هذه مادة تاخذ نبذة عامة فيها عن الهندسة
وفيها قسمين قسم في اللاب (( المعمل )) وقسم نظري في المسرح
عدد الساعات المعتمدة 3 والفعلية برضو 3 ساعتين معمل وساعة نظري
طريقة الدراسة :
ساعتين في المعمل وساعة نظرية في المسرح وتكون اكثر من سكشن في نفس الوقت

البدنية 001:
عدد الساعات المعتمدة 1 والدراسة الفعلية 2
طبعا منهج 001 هو كرة السلة
طريقة الدراسة :
في الصالة الرياضية او في الملاعب
تكون في البداية لياقة بعدين تبدأ في المنهج

دحين نجي للأختبارات :
الانجليزي والرياضيات :
طول الترم فيه كوزات قصيرة حوالي 5 او 6 حسب المدرس والخطة الموزعة عليك واحيانا تكون اسبوعية
كل ماتخلص وحدة او جزء معين يختبرك حسب الخطة يعني وعليها مع الحضور والواجبات 25 درجة

وبعدين فيه ميد تيرم (( الاختبارات النصفية )) بعد الاسبوع السابع

اختبار نص الترم وعليه غالبا 25 درجة
وفي الاخير الاختبارات النهائية بعد مايخلص الترم وعليها 50 درجة
Egt001:
هذه المادة 5 اقسام كل قسم في 3 اسابيع وتخلص القسم وتختبر فيه من 20 درجة مافيه لا ميد تيرم ولا فاينلي
البدنية:
اغلب درجاتها على الحضور واللبس كامل بس احيانا المدرس يسوي اختبار نص الترم يقيمك فيه واختبار نهائي برضو نفس الشي
وفيه كتاب يديكم هو تذاكروا منو ويسالكم شفوي

طيب نجي لموضوع مهم وهو الغياب :
طبعا الكلية كانت نسبة الغياب فيها 20% لكن دحين قلت وصارت 15 % على ما اظن
وهذه نقطة مهمة لازم يعرفوها الطلاب
طبعا انت تعرف من ملفك كم عدد غيابك وكم النسبة حقتك
والاعذار الطبية لازم تكون من مستشفى حكومي فقط

كدا يكون خلصنا التيرم الاول
عدد الساعات المعتمدة 15 وعدد الساعات الفعلية 30 وعدد المواد 4

في اخر الموضوع بكتب مميزات الكلية موفراها للطالب :[/color
السكن موجود ومايحتاج سيارة ولا شي مشي تقدر تروح وتجي من السكن للكلية ومن الكلية للسكن
في المكافاة طبعا وفي مطعم في الكلية وفي مطعم في السكن وفي بقالة في السكن برضو
وفيه ملاعب سلة وقدم وطائرة وفيه مسبح برضو
وفي مكتبة في الكلية
وفي صالة مغلقة للبلياردو والتنس والالعاب الاخرى
يعني موفرين للطلاب حاجات كثيرة والحمد الله

وفي الاخير هذه الموضوع من جهدي الشخصي ومن تجربتي يعني ممكن تكون فيه اخطاء بس حبيت افيدكم
وان شاء الله في قادم الايام انزل موضوع عن الترم الثاني وانزل الي اقدر افيدكم فيه

واي استفسار عن الموضوع هذا انا حاضر
وفي موضوع عن استفسارات السنة التحضيرية تقدرو تستفسرو عن الي تبغوهhttp://www.yicf.com/...hp?showtopic=66


تقبلو تحياتي وتقديري لكم
[color="#483D8B"]اخوكم :
MeMo
مهند

[فيصل احمد]

والله انتا عسل ويعطيييييييييييك الف الف الف عاااااااافية الصراحة ما قصرت

موضوع كافي ولامم كل السنة التحضيرية

بس دعواتك انهم يقبلوني في الكلية بس لانهم حطوني احتياط ونسبتي الموزونة 74 وهما يبغون 75 يعني بس فرق درجة وحدة

الله يسهل ان شاء الله

[MeMo]

فيصل احمد, في Jul 31 2010, 08:59 PM, كتب:

والله انتا عسل ويعطيييييييييييك الف الف الف عاااااااافية الصراحة ما قصرت

موضوع كافي ولامم كل السنة التحضيرية

بس دعواتك انهم يقبلوني في الكلية بس لانهم حطوني احتياط ونسبتي الموزونة 74 وهما يبغون 75 يعني بس فرق درجة وحدة

الله يسهل ان شاء الله

يسلمو اخو مو مشكلة اهم شي استفدت وماسوينا شي

كنا قبلك كدا وكنا ندور على المعلومة

لا ماعليك خذها مني ان شاء الله مقبول مقبول

ترا من النادر الكلية لمن ماتاخذ احتياط والسنة الي قبلها فتحو الاحتياط اكثر من مرة

لاتشيل هم ان شاء الله لو كانت خير لك هتحصل عليها


وبالتوفيق لك

[ابو الميكانيكا]

تجربه جميله في اروقه كلية ينبع الصناعية وفي مرحله من اصعب المراحل الدراسه "المرحله الاولى" مرحله السنه التحضيريه والانجليزية
اعتقد ان موضوعك هذا ذو فائده جمه للطلاب المبتدئين في الكلية .

اتمنى لو ان جميع الطلاب من مختلف التخصصات يشاركوننا بعض المعلومات التي قد تصبح موسوعه لاحقاً

[TeT_TaT]

وعليكم السلام ورحمه الله وبركاته

يقولو "من طول الغيبات جاب الغنايم"

الموضوع بصراحة ممتاز يعني يعطي الطلاب فكره عامه عن وضع الدراسه في اول سنه في كلية ينبع الصناعية
شكراً شكراً

[الصارم المسلول]

وعليكم السلام ورحمه الله وبركاته

كل عام وانت بخير مشرفنا مهند

موضوع ممتاز ومفيد جداَ جداً للطلاب الجدد في الكلية الاوريات
يعطيك العافية على الموضوع ولا تحرمنا من جديد

[هادي ال عسكر]

يعطيك العافية ع الموضوع
بس عندي سؤال ارجو الرد علية من اي عضو عندة
الحين سجلت في الكلية وقبلتني ولله الحمد
بس هل فيه موعد حظور يعني اروح لهم قبل تاريخ 16/10/1431
وعطوني المفبد وشكرا

[عمر الجهني]

السلام عليكم ورحمه الله وبركاته
ما أبي أطول عليكم بس عندي أستفسار يشغل أغلب المنتضمين للكليه حديثا بما فيهم انا
بالنسبه لطلاب السنه التحضيريه أول يوم دراسي هو بالنسبه لهم باب لأفاق جديده وأشخاص جديد أيضا
لكن هو يحتار في هذا اليوم بحيث لأ يعلم ايش حيسوي فيه وأيش الاشياء الي يجيبها معاه يعني مهمه
وثاني شي لما يوزعونا بالكلاس روم كيف يأخذ الطالب جدوله وكيفيه الدخول للصفحه الشخصيه الخاصه فيه ع الموقع التابع للجامعه
يعني هم يعطونا اليوزر والباسورد ولا ع طريق رقم الهويه الوطنيه
ما أدري كيف الطريقه بحكم أني من الأوريا
وعن كيفيه أستخراج البطاقه التي تسمح للطالب بالدخول للكليه او المسميه بالبطاقه الجامعيه
تـ ح ـياتي للأخ مهند وأشكره نيابه عن أخواني الأوريات ع المعلومات الي قدمها لنا
وشكرا لكل من ساهم في هذا الموقع وتحياتي للجميع
أخوكم عمر الجهني

تم تعديل هذه المشاركة بواسطة عمر الجهني: 15 September 2010 - 07:57 PM

[خليل بابكر]

وعليكم السلام ورحمه الله وبركاته

-الدخول الى صفحة الطالب يكون عن طريق رقم البطاقة (الجامعية) ورقم بطاقة الاحوال
- الجدول سيكون في صفحة الطالب اماكن القاعات معروفه ومحدده , قد تواجه بعض المشاكل في اول يومين في التعرف الى الاماكن
- لا تحتاج في البداية الا اكثر من دفتر كبير مقاس A4 واقلام , ومن ثم ستقدم اليك الطلبات , ستحتاج الى فرجار خاص ومراسيم رصاص
من نوعيات معينه ...


بالتوفيق ونتمنى ان نراك مره اخرى في المنتدى

[خليل بابكر]

نسيت ....

بالطبع يا مهند + س = مهندس
بالطبع موضوعك كما ترى من المواضيع القيمه والمهمه للكثير من الطلبه قد يكون البعض قد فضل الإستفاده من الموضوع
وعدم الرد عليه ولكن مجهودك واضح في هذا الموضوع

جزالك الله خير

[عمر الجهني]

اشكرك أخوي باك تو أسك بس لو تكلمت طريقه أستخراج البطاقه الجامعيه في بدايه الدراسه ولا كيف
وأيش الموقع الي بتم الدخول عليه لأستخراج البيانات المطلووبه كالجدول وغيرها < اذا تقدر الرابط
وشكرا ع المعلومات الي قدمتها وبالتوفيق للجميع
ولكل مجتهد نصيب
تحياتي

[خليل بابكر]

انت بالتاكيد اخذت موعد حضور ,,, في هذا الموعد راح تسلم البطاقة والسكن وممكن يسلموك جدول
الموقع هو موقع كلية ينبع الصناعية www.yic.edu.sa

Student Portal

[عمر الجهني]

شكرا مره تانيه بس أقولك هم أخذو الشهادات وبعدها رحت للمركز الصحي للكشف الطبي
وبس هذا الي صار يعني ما قالو لي لأ ترجع للكليه ولا لأي شي ولا موعد ولا حاجه بس قالو موعد الدراسه 16/10 وبس هذا الي مكتوب
فما أدري كيف

تم تعديل هذه المشاركة بواسطة عمر الجهني: 17 September 2010 - 04:47 AM

[الصارم المسلول]

اقتباس

بس قالو موعد الدراسه 16/10 وبس هذا الي مكتوب
فما أدري كيف

تعال في هذا الموعد وراح تاخذ كل المطلوب
سكن والبطاقه وتصريح السياره

[خالد الشهري]

السلام عليكم

الله يعطيك العافيه اخوووي

طيب ممكن سؤال

اللي لغته مو مره في الانقلش راح يمشي وضعه في الكليه ولا لا

وهل اجادة اللغه شرط من شروط القبول في الكليه؟

[Bionic Man]

يمشي ليه لا

دامه مواضب ويذاكر

[انقبلت]

يا شباب ايش الفحص الطبي الي يسونه ؟؟

[Eng.Khalid]

اقتباس

يا شباب ايش الفحص الطبي الي يسونه ؟؟

بالعربي ؟؟

اقولك اقرا
http://www.yicf.com/...p?showtopic=972

بعد كذا اسال