السلام عليكم ورحمة الله وبركاته....


عارف يا شباب الكليه انه امور السكن تهمكم كلكم او على الاقل امور الكليه

ولولا ذلك لما دخلتوا على الموضوع


الزبده ومافيها


في يوم الأمس

طلعت طلعة مع عيال (شوي وكورة في مخطط وقهوة وشاي.....الخ)

وبالصدفة قابلت واحد كان يدرس في الكليه واليكم الحوار التالي:


أنا:كيفك يا.....

ابو الشباب: والله بخير الحمد لله انت كيفك

انا:والله تمام.... كيف دراستك في الكليه ان شاء الله تمام؟ لأني لاحقكم عما قريب

ابو الشباب:الله يحييك...... وخليها على ربك

انا:ليه خير اش صاير؟

ابو الشباب: يا راجل الجو هناك ما يساعد ابدا على الدراسه

انا:معقوله

ابو الشباب: والله زي ما اقلك

انا:ليه اش الاشياء اللي ما ساعدتك على المذاكرة هناك

ابو الشباب:حاكتبلك مجلدات عن يومياتي هناك لو قلتلك

انا:طيب هات بالمختصر

ابو الشباب:يا ... السكن هناك خرااااااااااااااااب

انا: يا شيخ صلي عالنبي

ابو الشباب:والله زي ما اقلك يا .... شراب وحشيش وكل الخراب هناك واللي فاتح غرفته محل باي ستيشن وشويه ويجيب بلياردو ويقلبها صاله واشكال زي دي كتيييييييييييير يعني حيأثروا عليك كتيييييييييييير ومحا يسيبوك في حالك يمكن وبعضهم لما يشوفوا واحد متفوق وحاله في حال دراسته ما يسيبوه وما يسلم من اذيتهم.....كله من الحسد يا لطيف واشياء اقولك عليها لما افضى ان شاء الله

طبعا عشان كنا في طلعه

انا( في عقلي): يا لهوتــــــــي ايه المصيبه اللي وقعت فيها دي

ابو الشباب:اوكي يا....انا حاعطيك نصيحة عشان عارفك مالك ومال الخراب والكلام الفاضي ده

انا:الحقني فيها بسرعه

ابو الشباب:والله احنا مستأجرين شقه في الهيئه الملكية انا وكذا واحد وقاطين فيها وعايشين حياتنا والحمد لله واذا تبغى تعال معانا وقط معانا

انا: تسلملي ويعطيك الف الف عااااااافيع على هدي النصائح وكتر الله من امثالك.....على العموم انا اول ما اوصل ينبع ادق عليك

ابو الشباب:اوكي وانا حاجيك في اسرع وقت واخلص امورك في الكليه واعرفك على اصحابي اللي معايا في الشقه وحتكون ايامك احلى من اللي قضيناها في السكن

انا:جزاك الله خير خلاص هات رقمك






يا شباب الموضوع ما سمعته من واحد بس انا سمعته من كذا واحد


على العموم زي ما شفتوا هدي وحده من بعض الافكار اللي تخلصك من سكن الكليه


عموما اللي حابب اني اساعده هناك او ما يعرف احد هناك يراسلني وشكرا


ولو مني خايف عليكم زي مني خايف على نفسي ما كان كتبت الموضوع ده لاني اعرف انه كتييييييييييريييييييين من طلاب الكليه مالهم ذنب وحالهم في حال نفسهم





تحيــــــــــــاتي
سبايدرمان،،،


--------------------




sailor_love Aug 24 2006, 09:58 AM مشاركة #2


عضو نشيط


المجموعة: الأعضاء
المشاركات: 52
التسجيل: 22-November 05
رقم العضوية: 234



لوووووووووووووووووووووول شراب وحشيش........والله حاله!!!

والله مدري خويك ولا شباب السكن الخربانين!!!

على الاقل شباب السكن اذا بيسوا شي فحيكون في السكن اما خويك فهو بعيييد عن الامن والله العالم ايش بيسوي!!!!


انا لفييت انحاء السكن كله امنية حياتي اني اشوف احد سكران مالقيت!!!
ياحبيبي ادارة الامن في السكن تشد على الامن والقوانين اكثر من مايشدوا عليك امك وابوك.........وانا ماانفي واقول انه مافي مثل هذي الاشياء
لكن ماتسمعلها خبر ولاتدري عنها

وبعدين تعال انت ايش دخلك في الناس هذي اتعرفلك على ناس محترمين ومايهبطوا السراويل وعيش حياتك ................

وشدوا حيلكم بلاش كلام خرابيط وهبل

مشكور على الموضوع اخوي!!



سبايدرمان Aug 24 2006, 04:34 PM مشاركة #3


عضو فعال


المجموعة: الأعضاء
المشاركات: 196
التسجيل: 16-July 06
رقم العضوية: 1,003



اسمعني يالحبيب

انا عارف انه في امن في السكن وفي سيكيورتيه بس المشكله انه هدي الاشياء بتدخل رغم عن انف الجميع وبكل سهووووله

انا اصلا سمعت هرجة افظع من دي

سمعت انه واحد دخل حبيبته السكن ومحد دري عنها الا بعديييييييين

لما فتشوا على السكن وبعض المباني مافيها تشديد ولا تفتيش

ارجوا النظر في الموضوع من قبل ادراة الاسكان اكثر واكثر

ولازم يعرفوا انه تنظيم امور الطلاب المعيشيه هي الاكثر اهمية لسير حياة اطلاب

تحيــــــــــــــــاتي،،،


--------------------




amer almor Aug 24 2006, 06:04 PM مشاركة #4


عضو


المجموعة: الأعضاء
المشاركات: 21
التسجيل: 9-August 06
رقم العضوية: 1,143



اولا ماشاء الله تبارك الله يا سبايدر مان تنفع كاتب ( الاسلوب القصصي ) مره خطير
ثانيا هرجة الحبيبة الي دخلت السكن انا عن نفسي ( مني مصدقها ) معليش
المهم بس كلامك عن الحشيش والخراب في نسبة من الصحة لانه سمعت نفس الكلام
ثالثا مهما كان السكن خربا وفلة ومجربينها وكل ذا وازود بعد انت ماعليم الا نفسك واختار الاخيار في الدين والدنيا
وشكر على الموضوع الجيد


سبايدرمان Aug 24 2006, 11:02 PM مشاركة #5


عضو فعال


المجموعة: الأعضاء
المشاركات: 196
التسجيل: 16-July 06
رقم العضوية: 1,003



والله العظيم يا amer almor انه قصه البنت اللي دخلت عند حبيبها معروووووووووووفه ونشروها في الجرايد واسأل اي واحد

انت عارف اصلا كيف دخلت كمان

دخلت وهي لابسه توب وشماغ

وما كفشوها الا بعديييييين

واسال واتاكد

وبعدين انا جيتكم بالخبر اليقين وانت لكم الخيار

ومشكور حبيبي على مرورك


--------------------




amer almor Aug 25 2006, 12:32 AM مشاركة #6


عضو


المجموعة: الأعضاء
المشاركات: 21
التسجيل: 9-August 06
رقم العضوية: 1,143



الله واعلم المهم مشكور ياسبايدر


سبايدرمان Aug 25 2006, 12:35 AM مشاركة #7


عضو فعال


المجموعة: الأعضاء
المشاركات: 196
التسجيل: 16-July 06
رقم العضوية: 1,003



العفو حبيبي بعدين انا سبايدرمان مش سبايدر حاف كده


تحيــــــــاتي
سبايدرمان،،،


--------------------




بانتيوم Aug 25 2006, 01:49 PM مشاركة #8


عضو


المجموعة: الأعضاء
المشاركات: 25
التسجيل: 20-July 06
رقم العضوية: 1,029



الف شكر ياسبايدرمان علي هذه النصائح وعلي خوفك علي طلاب الكليه وطبعا
في اي مكان لازم تلاقي اصحاب السوء


سبايدرمان Aug 25 2006, 02:31 PM مشاركة #9


عضو فعال


المجموعة: الأعضاء
المشاركات: 196
التسجيل: 16-July 06
رقم العضوية: 1,003



العفو حبيبي

وتسلم على مرورك

وانا في خدمة طلاب الكليه قد ما اقدر


تحيـــــــــاتي
سبايدرمان،،،


--------------------




gentleman Aug 25 2006, 10:37 PM مشاركة #10


عضو


المجموعة: الأعضاء
المشاركات: 23
التسجيل: 1-August 06
رقم العضوية: 1,114



أقول صلو على النبي

نحنا رايحين سكن كلية مو كفتريا ولا ملهى << حلوة ملهى خخخخخ

شباب الخراب في كل محل

في المسجد فيه خراب تخيلو

و الله حتى في الحرم

تجيك البنت متمكيجة كأنها في سهرة

و أنواع الخراب


لذلك الصحبة الصحبة يا شباب

و العوامل اللي حولك ترا بتأثر عليك

السكن له مميزات و عليه سلبيات

كل إنسان رقيب نفسه و حسيب نفسه

و ترا ما فيه هرجة أروح أشتكي زي الثانوية

حالك حال نفسك

زبدة كلامي

اختار الصحبة الطيبة و محد يقربك

و مهما قعدوا لك و سووا ملعنة ما عليك منهم

ولا تعطي أي أحد وجه

و الأسبوع الأول هو اللي يحدد مصير السنين الخمسة كلها

لذلك أنتبهوا يا شباب

برايفت

شباب اللي في راسه هرجة القط و كذا

يرسل لي مسج

لأني بأسكن أسبوع عجبني الوضع كملت ما عجبني مالي في المشاكل

gentleman808@hotmail.com


سبايدرمان Aug 25 2006, 11:07 PM مشاركة #11


عضو فعال


المجموعة: الأعضاء
المشاركات: 196
التسجيل: 16-July 06
رقم العضوية: 1,003



اهلين اخ جنتل مان

وانا عارف انه كل واحد حيختار الصحبه الطيبه

لكن مثلا المكان المشبوه الواحد يحاول يبتعد عنه

يعني الواحد عارف انه المكان ده مشبوه وبرضه يقعد فيه

هدا اكبر غلط

وبعدين كلامك صحيح مئه بالمئه

الواحد المفروض يشوف اول اسبوع او اول اسبوعين بالكتير بعدين يحكم

اذا عجبته العيشه في السكن كان بها

واذا لم يكن كذلك فهناك مئة حل


هذ1 وصلى الله وسلم على سيدنا ونبينا محمد صلى الله عليه وسلم

تحيــــــــــاتي
سبايدرمان،،،

السلام عليكم ورحمة الله وبركاته

يقولك أبعد عن الشر وغنيله
أنت مالك في الخراب
الخراب مايجيك لكن أنت تدور الخراب يجيك كلام سليم
أنت ابعد مالك ومال احد زي ما قولت الصحبه لها اكبر دور يعني دور الصحبه الصالحه واهم الشي الصلاة الانسان لو يصلي بأذن الله ربنه راح يحميه ويوفقه في دراستة والله يوفق الجميع

وجزااااك الله ألف خير أبو تركي


أخوكم الصغير

وسام