السلام عليكم و رحمة الله و بركاته

يا شباب هادي أول مشاركة ليا و ماشاء الله شايفكم ما بتقصرو ياريت ألقى منكم نفس الإهتمام (الله ينور طريقكم)

حكايتي:
أنا خريج ثانوية عامة قسم -علوم طبيعية- لعام 1427_1428هـ ( يعني السنة الماضية),,
نسبة الثانوية العامة 75.25 <<<< (نسبة متواضعة لظروف صحية )...
و أختبرت قدرات كانت النتيجة 68 ...
أما يوم إختبار التحصيلي صادف يوم الثلاثاء كان يوم عمليتي (الله يبعد عنكم الشر)
و هادا السبب الي خلاني ما قدرت أسجل في أي كلية أتنومت أغلب فترة التسجيل في المستشى و أهلي ما كانو مفكرين الا إني أعدي من أزمتي الصحية -الحمد لله على العافية -
و دحين حابب أعوض السنة اللي ضاعت مني ,,

السؤال...
أنا أتمنى أدخل الكلية الصناعية و بأي طريقة حتى لو كانت بفلوس و أجيب معدل و أكمل عادي
و أحتاج مساعدتكم أبغى طريقة تناسب معدلي و تدخلني الكلية !! إيش هياااا؟؟؟

على فكرة أنا دحين بأسجل في الإختبار التحصيلي و أبغى أحضر الإختبار لأنو على حد علمي هوا من أحد المتطلبات للتسجيل بالكلية,,

و سؤالي هل لو درست بفلوس يطلبو إختبار القدرات و التحصيلي؟؟

يا شباب يمين شمال شوفولي صرفة الكلية كليتكم و أنا دُخت ههههههههههههههههههه

أخواني أستنى ردكم أتمنى تجتهدو و دعواتي لكم بالتوفيق,,,