مجرد ما ينقفل باب السياره يبدأ الأستديو
التحليلي
الأولى : ايش فيك تأخرتي؟
الثانيه : ساعه قاعده ادور على عباتي انتي ما شفتي الحريم
يتضاربون عند العبايات العبايات تلخبطت
الثالثه : يا ليتنا ما رحنا زواجهم
الرابعه:ايه .. يا ا ختي زحمه والبزران يتضاربون بقشر البرتقال ويلعبون
بالمويه
الأولى : ما شفتي ذيك اللي كبت القهوه على الحرمه اللي
كانت نايمه؟
الثالثه : لا والله ما شفتها انا ما شفت ولا شي في
الزواج طول الوقت قاعده ادور على جزمة بنتي مها
الثانيه : ايش رايكم في الفستان اللي لابسته خلود؟
الرابعه: مو حلو محنقط عليها والسحاب باين ....وعععع مدري كيف لابسته
الثالثه: ايه وطول الليل جالسه تتهزز على الكوشه .... ما تستحي
الأولى: انا اعجبني الوان مكياج أمل تقول ان بنت خالها جابته
لها هدية من باريس
الثالثه : هههههه من باريس تضحك عليك يا هبلة تلقينه من
محلات ابو عشره
***********************
الغريب والعجيب انهم واثناء حديثهم
يقولون لبعض خلاص يا بنات بس ترى ما يجوز نتكلم على الناس
************************
الثانيه : صح والله كلامك يا اختي ما يجوز نتكلم عليهم .....
بس شفتي الحرمه اللي كانت قاعده جنبي على العشاء وتقطع لي لحم؟
الأولى : ايوه شفتها هههههههه متوصيه فيك شكلها بتخطبك
لولدها
الثانيه : وجع في شكلها هي وولدها قاعده تقطع لي من اللحم
الكبار اللي ما ينوكل وهي طايحه في اللحم الزين
الرابعه: ايش رايكم في العشاء
الثالثه : دسم وكله شحم
الأولى : بارد
الثانيه :وعععععععععع عليهم وعلى عشاءهم
الرابعه: وفيه حريم ما تعشوا قاعدين على الكراسي اللي
في الكوشه شايفين نفسهم
الأولى : حتى ام العروسه ما تعشت مسكينه طول الوقت
قاعده تبكي
الثالثه : هههههههههه تبكي من الفرحه يا هبلة ما شفتي
صدرها منتفخ من الفلوس
الثانيه: شفتي فستان العروس يا اختي يفجع
الاولى: هههههههههههههههه والعريس شكله يضحك
بس خلاص ما يجوز
صح والله ما يجوز بس شفتي وشفتي وشفتي
وهذا ا لموال يستمر لين يوصلوا البيت يا خذون دعم فني ( براد شاي+ بندول اكسترا)
******************************
