السلام عليكم

لو سمحتم اخواني ابغى اقدم دبلوم.. بس ابغى اعرف ايش الشروط يعني انا متخرج عام 1423/1424 قسم علمي.. هل ممكن يقبلو خريجي 4 سنوات.. وابغى ادرس دبلوم على اساس احول بكالوريوس.. سمعت انو لازم ادرس فصل واجيب معدل لا يقل عن 3 من 4 واقدر احول بكالوريوس صح الكلام هذا؟؟ اهم شي هل ممكن اقدم وانا من خريجي 23/24 وايش شروط الققبول في برنامج الدبلوم ؟؟

تحيتي

إسمع ياطيب هناك دبلومين في الكلية

دبلوم الكلية الأساسي الذي مدته ثلاث سنوات وفصل تطبيقي هذا لاأعلم هل يقبلونك أم لا؟

وأصلا فترة التقديم لهذا الفصل انتهت أتوقع

أما الثاني المسمى بـ( برنامج البلوم)الذي مدته سنتين وبرسوم دراسية فهذا

شروطه أنك تسجل في فترة التسجيل وتتجاوز إختبار القبول الخاص به

( رسوم كل فصل 500 ريال)

وهناك ميزة حلوة في هذا البرنامج أنك لو استطعت أن تتجاوز (السنة) الأولى منه بمعدل

2.5 يحق لك أن تتحول إلى دبلوم الكلية وتصير طالب منتظم وتحسب لك السنة ..

ملاحظة أخيرة ( برنامج الدبلوم حاليا لا يمكنك أن تكمل فيه بكالريوس)

يبدأ التسجيل في برنامج الدبلوم في نفس مقرالكلية ( المسرح) يوم 4/7

ملاحظة أخرى /

دبلوم الكلية الأساسي يمكنك أن تكمل بعده البكالريوس بشرط أن تتخرج بمعدل 2.5

كان أول 3

والله اخوي انت كلامك غريب قلت اول انو ما تقدر تكمل بكالوريوس وفي ردك الثاني قلت تقدر تكمل

عموما انا افكر ابطل اقدم لانو سمعت انو خريجي كلية ينبع مهم مهندسين بمعنى الكلمة وانما فنيين كل شغلهم في المصانع هذا الكلام قال لي عليه اليوم دكتور في جامعة الملك فهد..

ايش رايك ؟؟

ياغالي ...خذها من قاصرها تبغى تطلع مهندس

أدخل دبلوم الكلية مع الشباب المنتظمين وانتهي منه ثم قدم لإكمال البكالريوس

بنفس الكلية وهتدرس سنتين وتطلع مهندس يعني خمس سنوات وفصل ( كلها على بعضها)


بعض الشباب عندنا جالسين يكملون البكالريوس بعد ماأخذو شهادات الدبلوم وراحو توظفوا ( فنيين ) طلبو تفرغ من العمل وأتو للدراسة وبعضهم رواتبهم ماشية..

بعدين إذا أنت تبغى تطلع مهندس علطول وفيك فهلوة دراسة كان المفروض تكون نسبة

الثانوية عالية من بدري وتروح علطول للبترول والمعادن ..

( وبعدين مافي شيء يأتي سهالة ياخوي )


ووظائف الفنيين التي أنت مستصغرها أسأل عن مميزاتها في الهيئة وعن رواتبها وبدلاتها

وبعدين قول كل شغلهم في المصانع !

أجل المهندس بيشتغل فين تتوقع!!

ربي يوفقك ويسددخطاك..

لعلمك اخوي انا درست سنة في جامعة الملك فهد.. بس كنت غبيييي طنشت ام الدراسة تخيل مافيه غير مادتين انجليزي وماث طبعا الدراسة كانت بنظام الدبلوم عموما انا كلامي هذا مو من فراغ.. قبل كم يوم زارنا واحد يقرب لنا وهو دكتور في جامعة الملك فهد.. هو اللي قال لي كلية ينبع ماتطلع مهندسين وانما فنيين .. بصراحة انا ودي في كلية ينبع.. بس والله قبل كم ساعة كلمته عشان اقول له ابغى ينبع واساله عن رايه قال لي لا تروح مكان اتثبت في مكان واحد.. بصراحة انا مضاااايق ماني عارف وش مستقبل علم المعلومات..

وعلى فكرة نفس الدكتور قال لي ان كلية ينبع خريجيها فنيين حتى طرحت موضوع عن المسمى الوظيفي لخريجي الكلية قالولي فنيين وقريت موضوع عضو بهالمنتدى يقول انه خريج محاسبة ومافيه شركة بتقبله.. يقولو عمرنا ماسمعنا عن كلية ينبع

هذا كلامي مو استحقار لاني حاس انه ينبع احسن من الكلية اللي فيها بعدين مو معقول كلية ماتطلع مهندسين واسمها كلية لهندسة الكهربائية او الكيميائية.. الخ..


باختصار انا محتار بين 3 اشيا

اقدم دبلوم في ينبع بس مااعرف يقبلوني او لا لاني متخرج زمان
ثانيا اعيد سنة تاهيلي بالعلوم التطبيقية واخش علوم حاسب لان السنة التاهيلي سهل مرررة تقريبا نفس العلوم الاجتماعية
ثالثا اقدم في ينبع منها الخير ينبع


حاااااااااير؟؟

أنت تريد تطلع مهندس ياغالي لأجل كلمة (مهندس)

لذلك مو داخل مزاجك إلا شيء يطلعك مهندس !! سواء كان كهرباء أو علوم حاسب أو..ألخ

وأسأل المولى القدير الكريم إنك تطلع مهندس

قول آآآآآآآآآآآآمين

لكن خذ مني نصيحة ياطيب أناأقول لك مثل ماقال لك قريبك إثبت على شيء واحد

إنت الأيام جالسة تضيع عليك وإنت تتنقل هنا وهناك وكذا مايخارج

هذا الحل الأول..

أو أنك تشيل فكرة مهندس هذه من راسك وتبدأ خطوة خطوة

أخي شهادة ينبع الأكادمية من أحسن الشهادات وأكثرها قبولا لدىالشركات الصناعية في كل أنحاء المملكة مثال أرامكو و سابك وسامرف وغيرها

إطلع فني ياأخي مالمشكلة في ذلك؟

لاتغرك كلمة ( فني ) روح بعدها كمل بكالريوس حتى لو في الصين وتعال مهندس

وبعدين إنت لو لك قريب يعمل في ينبع أو في رابغ ومتخرج من نفس الكلية

أعزمه على العشاء( ولاتنساني ) وقول له كيفك يافني مع العمل ؟ مرتاح؟

أسأله كم مرتبك؟ ومين موفر لك السكن ؟ والسيارة وإيش المميزات الي تعطيه الشركة؟



..

هناك ملاحظة مهمة أيضا أي مكان تروح تدرس فيه ياغالي ماتثبت جدارتك فيه فتأكد لن ينظر إليك أحد..


لازم تطلع بمعدلات حلوة وتخصص مطلوب في السوق ( مو مثل صاحبنا المتخصص محاسبة )
تلقاه نسبته زفت وتخصصه أزفت !!!

...

( معليش على التعصيبة )

نصيحة أخيرة

وهذه النصيحة

خذها من أخوك

مــــــجربها



عليك بصلاة الإستخارة قبل لاتقرر أي قرار

ولن تندم


ماخاب من إستخار


وربي وإلهي يوفقنا وإياك وجميع الشباب الحايرين مثلك !!

تذكرت !! تعال زور الكلية وشوف إعلانات شركة أرامكو معلقة في كل مكان

( حتى مباني السكن ماسلمت من التعليق) من بداية الترم الماضي

عن برامج توظيف لخريجي الكلية..


...


وبعدين هذا كله كوم والدراسة في ينبع كوم آآخر

حياااااااااااااااااااااااااااااااااااة






تعال عندنا ترى الشباب يحتاجون واحد طموح مثلك

إذا ماقدمت على الإنتظام فقد فاتك لأنهم قفلوا من زمان

عندك فرصة برنامج الدبلوم لاتفوتك ( إن قررت ينبع)

خخخخخخخخخخخخخ

حلوة هذي طموح..

المفروض انا اكون الحين بالهندسة بس بثالث ثانوي طنشت ام الدراسة والا من اولى ابتدائي الين اولى ثانوي كنت اجيب فوق 90%

عالعموم احسن جملة في ردك ماخاب من استخار ان شاء الله بستخير ويصير خير

ومشكور على ردك الكريم

السلام عليكم
أنا طالب مستجد في الكليه وحبيت استشيركم عن تخصص تقنية الهندسه الميكانيكيا
يعني كيف الدراسه في هدا التخصص
وماهي ايجابيات وسلبيات هدا التخصص
ارجو الأخوان اصحاب الخبره الأفاده
وشكرا

سلام عليكم

اللـــــــه يوفقك يا الصدر الحنون تخش وتكمل الدكتوراه

أخوك الصغير


وسام

و الله أشوف الشباب قلبوها شات ههههههههههه ,, المهم يا طيّب أنا مثلك درست سنة و نصف في حوش عزوز و خرجت منها لأنها أقل ما يقال عنها (زبالة) أكرمكم الله و لأني دخلتها و أنا ناوي أحوّل لقسم جيّد بس للأسف كالعادة مرمطة ثلاث أترام و في النهاية قلولي خلك في (الدعارة و الإنقياد) أقصد الإدارة و الإقتصاد , ثمّ جلست ترم في البيت , و بعد كذا سافرت للخارج على أساس أقدّم برا بس دق علي أخوي و قاللي جرّب فرصة أخيرة هنا في السعوديّة و قدّم على دبلوم كلية ينبع المتوسط (أبو 500 ريال) و قدّمت و انقبلت و بعد دراسة استمرّت ثلاث أرباع الترم تمّ فتح باب التسجيل للإنتظام و سحبت من (أبو 500 ريال) و قدمت على الإنتظام (مكافأة و مميزات و دبلوم عالي) و أنا حاياً في نهاية الترم الثاني و قريب من الطرد للأسف بسبب الغياب .. يعني ممكن تضيع عليّ 3 سنوات و نصف على الفاضي , عشان كذا لا تحتار و لا تحسب نفسك الوحيد اللي مهموم ترا كلنا في الهواء سوا و الله يوفقك ...

ابغى فزعتكم يا شباب بالله عليكم اذا بداء التقديم في الدبلووم ابو( 500)للفصل الثاني لعام 1429هـ
تكفى انكم ترسلولي رساله عل هذا الايميل
the_ice_man-999@hotmail.com

الله يوفق الجميع..
ومشكووور على كل من تعاون معي
.......................................السلام عليكــم ورحمـة الله وبركاتــة ،،