السلام عليكم ورحمة الله وبركاته...

الحمد لله ظهرت النتائج وظهرت نتيجة قبولي ولكن!!!


لدي سؤال واحد وانشالله ما تخيبوا ظني...


تحصيل الطالب الدراسي و مدى جده واجتهاده يعتمد على حالته النفسية في الدرجة الأولى وعليه فإن حياته ومعيشته في الكليه تؤثر كثيرا في حياته الدراسيه وتحصيله العلمي..... فأرجوا رجاء حارا لمن لديه الخبرة والمعرفه بكلية ينبع الصناعية ، شرح حياة الطالب في الكلية وما تحتويه الكلية من مرافق وما يحتويه سكن الطالب من خدمات باختصار شديد...؟؟؟؟


وشكرا...

أخوكم
سبايدرمان

لية كم نسبتك الثانوية والقدرات بس ممكن اعرف ؟؟

ولد المدينة إنت نسبتك وقدراتك والله طيبة 81% و 73

بس ماأدري ليش مارشحوك لكن إذا إنت مصمم ينبع قدم لبرنامج الدبلوم الموازي

فرصتك.. وبالتوفيق

وبالنسبة لسؤالك ياسبايدرمان ..

سأجيبك بإذن الله انتظرني .. لاحقا

وبإذن الله يجيبك الشباب

مشكور يا حبايب على مروركم الكريم وبالنسبه لسؤالك عن نسبتي وقدراتي

نسبتي 98.31
قدراتي 85
قولوا ماشالله >>>>> يخاف من العين ترى
وانا انتظر اجابتك عن سؤالي بفارغ الصبر

وكان ودي اسألك سؤال تاني اذا مافي كلفة عليك حبيبي

انا اترشحت للقبول بكلية الهندسة في جامعة الملك سعود بس بصراحة انا مرتاح لينبع عشان اهلي واخواني هناك وانا بصراحة ما احب الغربه والكلام الفاضي ده خصوصا انها الجامعه في الرياض لكن لما عرفت انه كلية ينبع الصناعيه فيها برنامج البكالوريوس يعني بالمختصر تتخرج مهندس قدمت فيها وارتحتلها

بس الى الآن انا محتار صراحة وودي احد ينصحني اش اسوي وشكرا على مروركم حبايبي

بصراحه انا انصحك هندسة احلى اسما وشكلا ومضمونا

بصراحة يا ولد المدينه ردك غير مقنع طلاق لأنه حتى كلية ينبع فيها بكالوريوس اللي هو هندسة برضه

ولكن انا ابغى واحد ينصحني بالمقارنه من جميع النواحي بينهما

وشكرا مرة أخرى على مرورك

السلام عليكم
في البداية الف مبروووووووك القبوول عندنا في الكلية وعقبال ماتتخرج مهندس انشالله.......
بالنسبة لسؤالك عن الحالة النفسية
احب اني اقلك اني انا قبل مااجي الكلية هذي كان في نفس الشي كنت خايف منه لكن بعد ماجيت وشفت الوضع بصراحة ارتحت خصوصا انه قلبي مرتاح لهاقبل ماجي...........
الكلية هذي ياحبيبي تعطييييييك كل شي يعني كل حاجة عندك جاهزة
سكن نظيف من احلى مايكون
مكافات اول باول
مطعم نظيف وطيب
غيرهااااا كثير
يعني انشالله ترتاح معانا وباذن الله انك ماتندم على اختيارك
بس قبل هذا كله لازم تحط في بالك انك انت جاي تتعلم وتدرس وتشد حيلك مو جاي علشان الغياااااااااااب خلي الكلمه هذي في راسك
ولايغرك النوم والكيف حق السكن لانه هو السبب الرئيسي في غياب الطلاب
ولكن خليك نشيط وشد حيلك وانشالله في المدى البعيد اعطيك خطة تمشي عليها
من احلى مايكون وصدقني راح تنبسط منها كثييييييير..........
الف مبروك على القبول اخوي وحظ اوفر للي مانقبلوا والله يوفقكم دنيا واخره

وشكرا لكم............

الله يبارك فيك حبيبي sailor_love على اهتمامك وتقديرك للطلاب المستجدين وانا صراحة ارتحت لك قبل ما ارتاح للكليه والله يكتر من امثالك


ولكن في سؤال صغيييييييير يا ريت تجاوبلي عليه


هل في بوتوغاز في السكن أو تليفون لاستخدام الانترنت ولا لأ؟؟

الحمدلله كفينا الجواب

البوتوغاز ممنوع في سكن الكلية لكن يستعاض عنه بالغلاية الكهربائية

ولت تحتاج إلى تلفون للنت لإن الشبكة في السكن لاسلكية

تحتاج وصلة تركب على الجهاز فقط..

بالنسبه للغلايه الكهربائيه التي يستطيع الطلاب إدخالها فهي لا تفي بالغرض اعتقد ولماذا يمنع البوتوغاز وهل تقصد بالغلايه (غلايه الشاي)

اما من ناحية الانترنت فالحمد لله انه لم يمنع أيضا

وهل يمنع أيضا فرش الغرفه بساط أيضا وشكرا

وشكرا على مرورك ونتأسف للأسئله الكثيرة

هيا شوف ايش همو البوتغاز والنت انا لله وانا الية راجعون

طيب انت اش اللي حارق رزك يعني

انا هدا اللي همني وانا كده ،في شي يا باشا؟؟؟

الحمد لله على النعمة

هههههههه


على كل حال أقصد بالغلاية غلاية الشاهي وهناك البوتو كهرباء (ماأدري أسمه كذا؟)

المهم الغاز ممنوع بسبب إجراءات السلامة المتبعة في السكن..

ويتم مصادرتها إذا تم إدخالها ..

غير هذا جيب الذي تريده

جيب سجاد بطانية للسرير وفراش ومخدة ( وتوصى فيها ) جيب أفخر نوع لأن ماعندك

شغلة سوى العبادة والأكل والشرب والدراسة ..



وبالتوفيق ....

يعطيك العافيه اخ متفائل ومشكور على التوصيات الجبارة

وإن شالله أجيب معايا مرتبه سليب هاي ولا يهمك